Նորայր Ասատրյան
Ավագ դպրոց
9-1 դասարան
Ես կարդացի Մխիթարյան միաբանության զինանշանի մասին, ուսումնասիրելուց հետո հասկացա, թե որքան բանի մասին է խոսում այդ զինանշանը: Հավանեցի, շատ հետաքրքիր է մտածված: Ուսումնասիրելու ժամանակ
նկատեցի տառեր՝ Ո.Կ.Վ.Ս., հետո փորձեցի հասկանալ, թե դրանք ինչ տառեր են: Պարզեցի, որ տառերը Որդեգիր Կուսին Վարդապետ Ապաշխարութեան նախադասության բառերի սկզբնատառերն են:
Իմացա, որ Սեբաստացին շատ է սիրել կարդալ, գրքերը մի շնչով է կարդացել, իսկ անհասկանալի բառերը ուսումնասիրել է այնքան ժամանակ, մինչև լիովին չի պարզել բառի բացատրությունը: Նա անգամ այգի գնալուց էր
գիրքն իր հետ վերցնում, որպեսզի ազատ ժամանակ անգործ չմնա: Իսկ «Խրատ Քարոզչաց» նյութից իմացա Մխիթարյան միաբանության վարժարաների կանոնների և առօրյայի մասին, կանոնները շատ բազմազան
էին, հիմնականում՝ կարգապահական բնույթի: Իմացա, որ Աբբահայրը ամեն մի մանրուք իր աչքով է ստուգել, ամեն անկյուն, ամեն փաստաթուղթ: Ինձ հուզեց Մխիթար Սեբաստացու խոսքը ուղղված հայ ժողովրդին: Նա
գրում էր, որ իր աշխատանքը անշահախնդիր նվիրում է իր ժողովրդին:
«Մխիթար Սեբաստացին՝ առաջնորդ» նյութը ինձ դուր եկավ, որովհետև պատմում էր Մխիթար Սեբաստացու գործունեության մասին: Ճիշտն ասած, ինձ նմանատիպ նյութերը անհետաքրքիր են թվում, բայց կարդալով այս
նյութը, միանգամից կլանվեցի: Շատ արտասովոր իմաստությամբ ու աշխատասիրությամբ օժտված մարդ է եղել նա: Շրջանցելով բոլորի սպասումները՝ կատարել է մի գործ, որը գնահատելու համար չկա
համարժեք գնահատական: Ինձ զարմացրեց Սեբաստացու իմացական կարողությունները: Նա երբեք չի պարծեցել իր ունակություներով: Եղել է առաքինի և համեստ: Նա ասել է, որ չի կարող հպարտանալ այն
ունակություներով, որ աստված է տվել իրեն: Սեբաստացին երբեք չի սահմնանափակվել իր ունեցածով և ձգտել է ավելիին. «Մխիթար ստեղծող միտք մէ, որ իւրովին կուռճանայ, կը ծաւալի, հսկայ կը դառնայ, երբ իրեն
յարմար միջավայրը կը գտնէ: Բարձր բաները հասկնալու մէջ՝ երագ, նուրբ խնդիրները հետազոտելու մէջ՝ խորունկ և սրատես, ճշմարտութեան խոսից խելամտութեան մէջ՝ կորովամիտ, իմաստները միտքը
պահելուն մէջ՝ մեծ յիշողութեամբ օժտուած»:
Այ քեզ զարմանալի մարդ...
Աղբյուր` http://movsisyannune.com/tag/%D5%BD%D5%A5%D5%A2%D5%A1%D5%BD%D5%BF%D5%A1%D6%81%D5%AB/
Write a comment